ԹԵՍՏ
1-ին մաս
Կարդա տեքստը և պատասխանիր տրված հարցերին:
Դավիթի կյանքը գրեթե հրաշալի էր. նա իրենց բակում շատ ընկերներ ուներ, որոնց հետ ամեն օր` դասերից հետո, գնում էր գնդակ խաղալու: Միայն թե Դավիթը մի մեծ խնդիր ուներ. դա նրա փոքր քույրն էր` Լիլին: Լիլին ոչ մի կերպ չէր կարողանում հասկանալ, որ Դավիթին ու նրա ընկերներին բոլորովին դուր չի գալիս, որ ինքը միշտ նրանց հետ է լինում: Հենց տղաները դուրս էին գալիս բակ, Լիլին իր փոքրիկ ոտիկներով (վազել)/վազում էր/ նրանց մոտ և ուրախ-ուրախ ցատկոտելով` հայտնում.
— Ես եկա¯…
Բոլորը հոգոց էին հանում: Իրականում աղջիկը առանձնապես նեղություն չէր տալիս նրանց. շատախոս չէր, չէր նվնվում, չէր խառնվում նրանց խաղերին: Ճիշտն ասած, շատ բան չէր էլ կարող անել: Այնքան փոքրիկ էր, որ ո՛չ կարող էր գնդակ խաղալ, ո՛չ ծառերը մագլցել, միայն իր սև աչիկներով լուրջ նայում էր տղաներին, և ուր նրանք գնում էին, ինքն էլ նրանց հետևից գնում էր:
Դավիթը փորձում էր մորը համոզել, որ Լիլիին չթողնի իրենց հետևից գալ:
— Ինչո՞ւ պիտի իմ քույրը միշտ մեզ հետ լինի,- հարցնում էր նա,- ինչո՞ւ Արմենի քույրը չի գալիս, Հակոբի քույրը չի գալիս:
Մայրը ծիծաղում էր.
— Արմենի քույրը ընդամենը վեց ամսական է, Հակոբը ընդհանրապես քույր չունի… Քո բախտն այդ հարցում չի բերել:
Մի օր Դավիթը ուզում էր տղաների հետ գնդակ խաղալ: Սկզբում նրանք մի ծանր գնդակ ունեին: Բայց մի անգամ այդ գնդակը Սարգիս քեռու պատուհանը կոտրեց: Ի¯նչ պատմության մեջ ընկան:
Գնդակն էլ այլևս հետ (չստանալ)/չստացան/: Հիմա արդեն թեթև գնդակով էին խաղում: Այդ օրը տղաները դեռ նոր էին դուրս եկել, երբ Լիլին սովորականի պես վազեց նրանց մոտ ու ասաց.
— Ես եկա¯…
Տղաները, ինչպես միշտ, ձևացրին, թե նրան չեն նկատում: Նրանք սկսեցին խաղալ: Տղաներից մեկը այնպես ուժգին հարվածեց գնդակին, որ այն այս անգամ էլ (ընկնել) /ընկավ/Սարգիս քեռու բակը:
Նրանք վազելով մոտեցան ցանկապատին և տեսան գնդակը խոտերի մեջ` այնքան հեռու, որ ձեռք չէր հասնի: Հակոբը փորձեց անցնել ցանկապատի ճաղերի արանքով, բայց չկարողացավ:
— Ես չեմ կարող անցնել,- հուսահատ ասաց նա,- ցանկապատը շատ խիտ է: Եվ մեզանից ոչ մեկը չի կարող:
Իրավիճակն անելանելի էր: Բոլորից շատ Դավիթն էր տխրել:
— Այս ամենը Լիլիի պատճառով եղավ,- ասաց նա,- Տիգրանը այդքան ուժեղ խփեց գնդակին, որովհետև Լիլիի վրա էր բարկացել:
— Մի նայեք Լիլիին, տեսեք, թե նա ինչ փոքրիկ է,- ասաց Արմենը, — Լիլի, այստեղ արի:
Լիլին վազելով եկավ` ասելով.
— Ես եկա¯…
Հեշտությամբ մտնելով ճաղերի արանքից` Լիլին դուրս բերեց գնդակը ու հանձնեց հիացած տղաներին: Դավիթը հպարտությամբ նայում էր նրան, հետո ասաց.
— Ես քեզ գնդակ խաղալ (սովորեցնել): /կսովորեցնեմ/
1.Նշի՛ր երկու բան, որոնցով նկարագրվում է Լիլին: 1 միավոր
Լիլին շատախոս չէր, չէր նվնվում, չէր խառնվում նրանց խաղերին։
2.Ո՞րն էր Դավիթի հիմնական խնդիրը: 0,5 միավոր
ա) Հարևանը գնդակը հետ չէր տալիս:
բ) Քույրն ամեն տեղ ուզում էր նրա հետ գնալ:
գ) Ընկերը կորցրել էր Դավիթի միակ գնդակը:
դ) Մայրը բարկանում էր, երբ ինքը քրոջ հետ կոպիտ էր վարվում:
3.Ուշադի՛ր կարդա տեքստի երկխոսությունները և պատասխանի՛ր տրված հարցերին:
Ի՞նչ է պատասխանում մայրը տղայի հարցին: 0,5 միավոր
1) Նրա ընկերներից ոչ մեկը քույր չունի:
2) Ընկերների մայրերը աղջիկներին թույլ չեն տալիս բակ դուրս գալ:
3) Նրանցից մեկը քույր չունի, իսկ մյուսինը դեռ շատ փոքրիկ է:
4) Լիլին իրենց բոլորովին չի խանգարում, չի նվնվում և խաղերին չի խառնվում:
- Ըստ Դավիթի` ինչո՞վ էր մեղավոր Լիլին, որ գնդակը հարևանի բակն ընկավ: 1 միավոր
Դավիթի ընկեր Տիգրանը այնքան էր բարկացած Լիլիի վրա , որ շատ ուժեղ հարվածեց գնդակին, այդ պատճառով էլ գնդակը ընկավ հարևանի բակը։
5.Ինչո՞ւ տղաները չէին կարող հարևանին խնդրել, որ գնդակը վերադարձնի:
Միավոր
Քանի որ նրանք մեկ անգամ արդեն գնդակի հարվածից կոտրել էին հարևանի պատուհանը , այդ պատճառով չէին կարող խնդրել , որ գնդակը վերադարձնի։
- Ինչո՞վ օգնեց փոքրիկ աղջիկը տղաներին: 1 միավոր
Լիլին հեշտությամբ մտնելով ճաղերի արանքից` Լիլին դուրս բերեց գնդակը ու հանձնեց հիացած տղաներին ն
- Ինչի՞ց ենք մենք իմանում, որ եղբոր վերաբերմունքը նրա հանդեպ փոխվեց: 1 միավոր
Երբ Լիլին մտավ ճաղերի արանքից դուրս բերեց գնդակը և հանձնեց եղբորը։ Դավիթը հպարտացավ քրոջ քայլով։
- Տեքստից դո՛ւրս գրիր 1 հարցական նախադասություն: 0,5 միավոր
— Ինչո՞ւ պիտի իմ քույրը միշտ մեզ հետ լինի,- հարցնում էր նա,- ինչո՞ւ Արմենի քույրը չի գալիս, Հակոբի քույրը չի գալիս:
2-րդ մաս
Կատարի՛ր տրված առաջադրանքները:
1.Տրված բառակապակցությունների ընդգծված բառերում բաց թողնված տառի տեղում դատարկ վանդակ է: Արտագրիր ընդգծված բառերը` դատարկ վանդակի փոխարեն լրացնելով բաց թողած տառը: 1 միավոր
տաք հա —/գ/ուստ
հմուտ -/ո/րսորդ
լայն մի-/ջ/անցք
երկարավիզ ընձու-/խ/տ
2.Ո՞րն է տրված նախադասության ենթական: 0,5 միավոր
Վերադարձին մի անտառի մեջ թագավորը հանդիպեց մի ծերունու:
Թագավոր-ենթակա
3.Տրված նախադասության մեջ բաց է թողնված մեկ կետադրական նշան: Արտագրիր այդ նախադասությունը և դիր բաց թողնված կետադրական նշանը: 0, 5 միավոր
Այդ երկրում բարձր ծառերով մի անտառ կար որը հասնում էր մինչև կապուտակ ծովի ափը:
Այդ երկրում բարձր ծառերով մի անտառ կար, որը հասնում էր մինչև կապուտակ ծովի ափը։
4.Ո՞ր բառի իմաստն է`փորելով գետնի տակից որևէ հին բան հանել: 0, 5 միավոր
1) պեղել
2) զննել
3) նշմարել
4) կերտել
5.Տրված բառերից որի՞ դիմաց է սխալ նշված նրա տեսակը` ըստ կազմության: 0,5 միավոր
1) աշխարհամաս – հոդակապով բարդ բառ
2) զարմանալի – վերջածանցավոր բառ
3) ջրհոր – անհոդակապ բառ
4) մատիտ – ածանցավոր բառ
6.Տրված բառերից յուրաքանչյուրի դիմաց նշված է, թե այն ինչ խոսքի մաս է: Ո՞ր տարբերակում է սխալ նշված: 0,5 միավոր
1) դպրոց – իր ցույց տվող գոյական
2) այգի – ածական
3) թեև – շաղկապ
4) երեսուն – թվական
7.Արտագրիր նախադասությունը` փակագծերում տրված բառերը ձևափոխելով և տեղադրելով բաց թողած տեղերում: 1 միավոր
Նա տեսավ, որ………դուրս գալիս հայրը մի …….հանդիպեց:
(խանութ, ծանոթ)
Նա տեսավ, որ խանութից դուրս գալիս հայրը մի ծանոթի հանդիպեց։
Հարություն Ավագյանի բլոգ 